రాజకీయ నాయకుడు – Philosophy

-ఒక రాజకీయ నాయకుడికి philisophy తెలియటం వలన వ్యవస్థల నిజమైన అంతిమ లక్ష్యాల గురించిన అవగాహన పెరుగుతుంది.
– అధికారం లో ఉన్న నాయకుడు, ప్రతిపక్షం ఆవశ్యకత ను గుర్తెరిగి రాజ్యం చేస్తాడు. వ్యవస్థ మనుగడకు ప్రతిపక్షం ఎంత అవసరమో మరచిపోడు.అంతిమ లక్ష్యమైన సమాజ హితాన్ని చేరుకొనే మార్గాలలో, ప్రతిపక్షం యొక్క సిద్ధాంతం కూడా ఒక మార్గమేనన్న ఎరుకతో ఉంటాడు.
-వ్యవస్థల పరిధి ఒక తరానికో, గుప్పెడు మనుషుల కో పరిమితమైనది కాదు. అందరినీ, అన్ని తరాల నీ,అన్ని కాలాలనీ దృష్టి లో పెట్టుకొనే big picture attitude తో శాసనాలు చేస్తాడు.తన తదనంతరం ఉండబోయే పరిస్థితులను కూడా పరిగణన లోకి తీసుకొని, తదనుగుణంగా నిర్ణయాలు తీసుకొంటాడు.
– మంచి చెడుల,న్యాయాన్యాయాల సాపేక్షత గురించిన, గతి శీలత (dynamic and changing) గురించిన అవగాహన తో రాజకీయాలు చేస్తాడు.
-ప్రతిపక్షం లో ఉన్న నాయకుడు, కార్యాచరణ లో అధికార పక్షానికి ఉన్న పరిమితులను దృష్టిలో పెట్టుకొని ప్రవర్తిస్తాడు.
-దీర్ఘకాలిక లక్ష్యాకూ, స్వల్పకాలిక లక్ష్యాలకూ స్పర్ధ వచ్చినపుడు, దీర్ఘకాలిక లక్ష్యాల ప్రాముఖ్యతను దృష్టి లో పెట్టుకొంటాడు.
– ఉన్న మంచి వ్యవస్థలను బలహీన పరిచే చర్యలు చేపట్టడు.
– కొత్త వ్యవస్థలను ప్రవేశ పెట్టేముందు, వాటి లోటుపాట్లను, అంతిమ లక్ష్య సాధనకు వాటి relavance ను దృష్టి లో పెట్టుకొంటాడు.
– రాజ్యం యొక్క పరిమితులు తెలిసిన వాడై ఉంటాడు. ఉదాహరణకు, వ్యక్తుల ప్రయివేట్ ప్రపంచం లోనికి, విశ్వాసాల లోనికి రాజ్యం ప్రవేశించకూడదని గ్రహిస్తారు
– execution కూ rhetoric కూ ఉన్న gap తగ్గిస్తాడు.
– లక్ష్యం గురించే కాక దానిని చేరే మార్గాల గురించి స్పష్టత తో ఉంటాడు (vision).
– సాంకేతికత,టెక్నాలజీ తెచ్ఛే మార్పులను ఉపయోగించుకొంటూనే, అంతిమ లక్ష్యాలను చేరటానికి వాటిని ఎంతమేరకు ఉపయోగించుకోవాలో అవగాహన కలిగి ఉంటాడు. వాటి సైడ్ ఎఫెక్ట్స్ ను regulate చేయటానికి వ్యవస్థలను నెలకొల్పుతాడు.
-practical vs impractical, achievable vs inevitable..వీటి మధ్య సాధించాల్సిన బాలన్స్ గురించి idea కలిగి ఉంటాడు.
-జనాల బలహీనతలు, కుల,మత వర్గ భావాల ద్వారా ఓట్లు సంపాదిస్తూనే, అభివృద్ధి ని మరచిపోడు. చివరికి జనాలను వారి బలహీనత ల నుండీ బయట పడేయాలనే ఉద్దేశం కలిగి ఉంటాడు.
-ఒక్క వాక్యం లో చెప్పాలంటే రాజకీయ నాయకుడిని, రాజ నీతిజ్ఞుడిగా మార్చే ముఖ్యమైన దినుసుల లో philosophy ఒకటి.
మన రాష్ట్ర స్థాయి, కేంద్ర స్థాయి నాయకులలో ఎంత మందికి, ఏ మేరకు ఈ లక్షణాలు ఉన్నాయో మీరే ఆలోచించండి.
నా లిస్ట్ లో అయితే జవాహర్లాల్ నెహ్రూ, వల్లభాయ్ పటేల్ వంటి వారు మాత్రమే ఉన్నారు.

ప్రకటనలు