ఉచిత సలహా

యారా, ఎంకటేసూ..ఎన్నికలొస్తున్నాయ్ కదా, ఏంటి..మన సైడు, ఈ సారి ఎవరు గెలుస్తారేటి?

వెంకటేశు: తగ్గాపోరు (Tug of war) గా ఉందండీ..రెండు పార్టీ లలో ఎవరు గెలుస్తారో చెప్పలేం.

డబ్బులు పంచటం మొదలు పెట్టారా?

వెం: ఇంకా లేదండీ..

వాళ్ళు పంచినా , నువ్వు పొరపాటున కూడా తీసుకోమాక..డబ్బు పంచినోళ్ళు రేపు అధికారం లోకి వచ్చాక దోచేస్తారు.

వెం: డబ్బులిమ్మని నేనేమన్నా..అడిగానాండీ..ఆళ్ళే ఇస్తన్నారు..

వాళ్ళు ఇచ్చినా నువ్వు తీసుకోమాక.

వెం:తీసుకోకపోతే శానా రిస్కండీ..

ఇందులో రిస్కేముందీ..నేను తీస్కోనని చెప్పేయటమే..

వెం: తీసుకోకపోతే, ఈ పార్టీ వాళ్ళు ఆ పార్టీ మనిషినను కొంటారు..ఆ పార్టీ వాళ్ళు ఈ పార్టీ మనిషిననుకొంటారు. అధికారం లోకి ఎవరు వొచ్చినా తరవాత నా పై కసి తీర్చుకొంటారు..

అలా ఏమీ అవ్వదు లే! నువ్వు తీసుకోమాక.

వెం: అలా ఉచిత సలహా పారేస్తారేటి బాబూ.. నీ కంపెనీ లో నీకు ఇద్దరు బాసు లనుకొందాం..ఆ ఇద్దరి తో నూ నువ్వు మంచి ఇమేజీ మేంటేన్ చేస్తావా లేదా…?